احوالك يا بلد

احوالك يا بلد
★*******★****
لابسه الطرحه ودموعها علي خدها
ابن حزين وشهيد علي ارضها
صرخه ام بتبكي علي كبدها
فرح بالنصر لشهيد مش حصره لحضنها
خاين فاكر انه ماباع كدة عرضها
وهي والجامع تصلي جو قبرها
صوت الاذان وأجراس كنايسها
في لحن ترانيم الموت ماتفرق حزنها
مين دليلك مين اصولك لجل اقولها
عايز امسح دموعها بس مين يقولها
ان القاتل والشهيد اتربوا في حضنها

مخدوع يا ابن بطني لو صدقت
ان الي راح يرجع وان اخر طريقك موت
حالك يا بلد٢
★******************
حتي الكفن صعب عليك تضمنه زي السحتوت
جعان تستحمل قرصته بس من جوف الابن ما يفوت
تمد ايدك اة يا زمان دى كان من الملوك مش برغوت
صعبان عليك نفسك انضرب بالمركوب ما بأيدك اتحديت
حاولت تغير ماتغير غير الكفن وجلاد الموت
جعان اصرخ مابيسمع في الارض الا رب الملكوت
شايل همك ورزقك عليه بس ارجع انت وفوق قبل الموت
ارضي بحالك يا بلد قبل ما يكون نعشك ورق التوت
دي صاحب الامر متغندر من برجه شايفك كتكوت
صوتك ازاي يخرج ولو اتسرسب دى يا عم بروج حتحوت
مجنون ما انا عارف ايه جاب صاحب السمو لشحتوت

حالك يا بلد ٣
★****★****
موهوم مصدق نفسي انك الكبير
الصورة تطلع بس فين هو الضمير
النائب نيبته كبيره طالب بالتغيير
وقف يتباها حضرته أفتكرها التحرير
قالوا الانتخاب قربت وقف ولو بزمهرير
خدماتي ملك حضرتك ماصوتي خطير
تأمر انفذ ولو علي رقاب الكل تطير
أخرج العطايا دى انت ملك وانا الامير
وجيه تأجيل المراسم ماقام من السرير
صرخ الغلبان جعان فين دى الحرمان مر
قالوا امشي توت الارض ولادودةانت حر
مجنون عايش في الدور صدق التغيير

حالك يا بلد ٤
★*****★
الصبر مفتاح الفرج مطلب جسيم
تعدي الايام ونسكت هانت خليك حليم
تصدق انها فرجت تتمد بأمر الزعيم
دايرة وكل مرة انتظروني دي فالصميم
الحال هايتعدل ومن أمتي المائله ترميم
نار دايرة يابلد ومن يرحم غير الرحيم
مد الايد عادى ويطلع نباش هزيم
محوج يا خلق وكفي لمد القوت أليم
اصدق ولا اكدب اخاف يكون تحريم
منشت عريض بالانتظار للخبر العظيم
مشاريع كثيرة ومافيش مم هه تخريم السواقي تمر ولا نقطه ترويى دي حميم
فاض الكيل والبكي غلبه خرس وتعتيم

حالك يا بلد٥
★*****★
واقف في طابور العيش ماسك كارته ملك زمانه
كيس الفول وحزمه جرجير ومش طايق الي قدامه
ايه يهمه والحال عجب والجيب خالي يا جماله
مانشت كبير بيوعده وما جاله حد شاف ماله
صوته مجروح من البكاء. ولكل جرح ايه الي جراله
تقسي عليه نفسه من حسرتها كان الكل خدامه
قست عليه وحدته وفات الزمان عليه ما نفع علامه
شعرة الابيض وايدة ترتعش كبير فاته حسادة
معاش ومعيشه مرة بعد العز والوز اتخلعت أسنانه
مين يسال علي حضرته وكرسيه عدت عليه ايامه
شحات موظف سابق مكسور خلص العيش من قدامه

حالك يابلد ٦
★***********★
يا سلام عليكي يابلد عجب العجب
الحال يتغير في ثانيه من غير سبب
صراخ وعويل وتراب علي الراس ندب
وضحكه محبوسه وراء دمعتك بسهب
اذان الفجر واجراس كنائس وقمه الادب
وكورةشراب علي ابوابها بقرش يتحسب
حرامي يلم ضحيته بتقي ويدعي يارب
ودرج مفتوح لي اخرته وبرشوة تدب
ويصرخ الحاله مرار علي روحه مغلوب
ازاي ينصلح حالك وانت تستاهل مركوب
وشحات اغني من وزير يمد الايد يادوب
يصعب علي الغلابه ويلم من دم القلوب
وانا وانت وهووغيرنا في الزحمه بندوب

حالك يا بلد ٧
★**********★
شيلوا الحدود بنا واتحدوا كلنا مسلمين
الايد واحدة ونور الصلاه على الجبين
الهمه باللمه وجماعه الامه دفي وحنين
وشعار مطبوع ضمن الخطه محكم زين
وصدقنا أن خلاص الامه لو اجتمع اثنين
جماعه واخوة وحما مقادير الاوطان
في كل درب وشعب يتجمعوا الاخوان
وشرعيه مفهوم مضغوط للحبايب يتزان
مين وبكام السعر حسب الحور الجنان
والي يفهم يفهم لو فهم دي دماغ سلطان
ابيع الكل وتفضل الاني تتحكم بالامان
غريب مش دمنا بس رايته هي الايمان
واتصدمنا بجدار فزاعه الخوف والجنان
وكنا اول ضحيه وتباع حسب الامكان
اتنفض شعب محترم ضدد زل و هوان
ثورة تصحح مصير لمحتاج غلبان
جري في شوارعها يدمر وزادت الاحزان
نار ودمار وهم من الي كانوا يوم اخوان
اصحي وفوق ياشعب من نار غرقان
ودي جزء من حكايه وقصه زمان

حالك يابلد ٨
★**********★
شوارع زحمه ومجنونه والناس كل واحد عايش لحاله
وعلي الرصيف عجوز منطوي شكوته بصمته وقله ماله
الشمس تكوي كرامته قبل جبهته وحيائه بكفه يداري هوانه
والي يعدي مايحس بقهرته يمد بخطوته ما يلتفت له باله
يرجع بفكرة ايام خطوته علامه لهمته وضحكته وجنانه
قربت منه وقبل ما امد الايد صدني وانطوي وطلعلي ماله
نزلت يا دوب دمعته دى الشكوي من الزمان ومن عياله
الوحده مرة ولو كل كنوز الدنيا بين ايديك مايشفي اهماله

حالك يا بلد ٩
★*************★
وجيه سيادته ومتعايق في مشيته
موظف وجاها عالي المقام حضرته
فاكر نفسه العبقري والمفهوميه لعبته
يدرس النداله وفكرها جدعنه ياخفته
استاذ في كسر النفس وما داري وكسته
نص النهار حكاوى والباقي علي قهوته
استاذ زوغان واول المطالب مرتب همته
انا المدير مش حد تاني ياجمال قصته
شياكه وواجهه للزمم ياخراب نفسيته
في كل مكان نقابل نتشرف بسيادة عزته
عايزين نبقي ملوك بس لو مشي حضرته

حالك يا بلد ١٠
★*************★
اوهام ومعيشه مرة ولازم التكتيفه قويه
حلال مشاكل وطلبات مدروسه بعفويه
نواب ونايبه حكمنها دراسات ومفهوميه
عجبنهم مد الايد والشحاته والانهزاميه
كل يوم ننتظر العطايا نرجع يا المخفيه
فين ومنيين نسد جوع العيال والوليه
اسعار نار وتزيد وهم في المستخبيه
ماحسيين بالي ماشيين وركبيين عربيه
ياسواد الحوجه يا عالم دى علاوة منفيه
الكل ليه سعر الا الغلبان روحه منتهيه
أمتي تفرجوا عنها وناكل بقي مهلبيه