فكاهه المصريون تحير الفيس بوك

الاهرام
احتفي شباب الفيس بوك ـ علي طريقتهم الخاصة ـ بحبس كبار المسئولين السابقين وجمال وعلاء مبارك في سجن طرة‏,‏ وأسسوا عددا من الجروبات الساخرة علي موقع التواصل الإجتماعي اجتذبت أعداد كبيرة من المشاركين‏,‏ كان أهمها جروب بورتو طره‏..‏ من اجللك انت‏. واستخدم الشباب بعض العبارات الساخرة ومنها:

اخترناه اخترناه.. وعلي طرة احنا بعتناه, يا حلوة يا بلحة يا مقمعة.. جمال وعلاء في المزرعة, الشعب يريد استمرار التوريث في بورتو طرة, من حسني لسوزي.. احنا حنسبق.. ماشي.. لمي الغسيل واقفلي الفيلا وحصلينا.
واستخدمت التعليقات عبارات مشابهة للاعلانات الشهيرة مثل: بورتو طرة زنزانة منقية علي أرض مصرية لأحلي حرامية, بورتو طره مملكة من الفساد, اعترافك لوحده مش كفاية اتسجن ولو اسبوعين مستشفي بورتو طرة11211, للصيف.. لرحله كالخيال ومواقع غايه ف الجمال بسعر ملهوش مثال.. إذا كنت سرقت اكثر من مليار دولار.. إذا كنت قتلت اناس ابرياء.. إذا كان مجموع م نصبت به اكثر من مليار جنيه.. فان بورتو طرة في انتظارك, في السنة اللي قالوا فيها جمال هيبقي الريس.. حبسناه هو و ابوه الشعب المصري.. ام الاجنبي, مع بورتو طرة مش حتقدر تغمض عنيك, ليمان طره... الراحة والأمان في ارض الاحلام.
إحدي الفتيات لم يعجبها ان سجن طرة للرجال فقط وقالت: كم كنت اتمني ان اكون رجلا والله انا بحسد الرجاله علي الاقل انتو تعرفوا تخشوا طرة يعني لو واحد عايز يعرف ايه الاخبار في طرة يضربلوا واحد ويخش يتفرج, لكن أحد الشباب رد عليها موضحا: لأ طرة عايز واسطة دلوقتي أو مليار جنيه علي الاقل.
الجروب تضمن مجموعة من الاخبار: قررت ادارة المنتجع انهاسوف تقوم باستقبال الحراميه اللي سرقوا حتي مليون دولار, و ذلك حتي يتسني للكل الاستمتاع مع المشاهير بجو طرة الجميل, طلب مقدم من المشاهير المنتفعين و المقيمين ببورتو طرة للسيد النائب العام بسرعة ضبط و إحضار بقية الشلة الفاسدة لأنهم بدأوا الاحساس بالملل و الغربة, وقع هشام طلعت مصطفي, مع أحمد المغربي, عقد زنزانتين في سجن طرة, وصرح أحمد عز بتبرعه بطن حديد لكل مسجون, لبناء مشروع إبني سجنك, وقام أنس الفقي بتقديم برنامج السجن سجنك, النشاليين في منتجع طره يطالبوا بالافراج علشان عيب اتسجن بسبب محفظه فيها100 جنيه والزنزانه اللي جنبي فيها عز اللي سارق100 مليون, في سابقة خطيرة وظاهرة جديدة علي الشعب المصري: ملايين المصريين يتقدمون ببلاغات وهميه في انفسهم املا منهم في النزول بـ بورتو طرة ولو لساعات, في حفل بهيج افتتح السيد الرئيس المخلوع محمد حسني مبروك المرحله الجديده من زنازين بورتو السخنه اوي وكان في شرف استقباله عائلته الكريمة وحاشيته اللئيمة.
وتوالت الاقتراحات: نطالب بتحويل بورتو طرة لمزار سياحي ورسم الدخول للمصري100 جنيه ولغير المصري100 دولار للفرجة والصورة مع الواحد بـ20 جنيها للمصر ي و20 دولار لغير المصري صدقوني سنسدد ديون مصر ودا بجد مش هزار, بما ان كبار البلد مشرفين في طره عندي اقتراح اننا نعمل بزنس معاهم ونجيب ليهم خصم كبير من شركات بوما واديداس عشان نعمل ليهم ترنجات بيضا تليق بمقامهم ومستعدين للتوصيل لغايةالبورتو بأسعار خاصه.
جروب آخر علي الفيس بوك يحمل عنوان زي ما قال الريس منتخب طرة كويس
تضمن أحدث خبر: تعلن شركه حلاوة الرشيدي الميزان افلاسها بعد تحويل جميع خطوط الانتاج الي مزارع بورتو طرة وعلي الساده الفاسدين التوجه الي طرة لتناول منتجات الشركه في المزرعة.
وعلي جروب إحنا اسفين يا سجن طرة, طالب عدد من السجناء رئيس حكومة الثورة الدكتورعصام شرف, تحويل سجن المزرعة الي مزارسياحي, علي أن تكون الزيارة بأسعار مخفضة لأبناء الشعب المصري, وهم علي ثقة بأن عوائد الزيارة, ستساهم بقدر كبير في دعم الاقتصاد الوطني.
ومبارك لقناة طرة اليوم:الاخوة والاخوات( أنــــا اتحــبســت).